သာသနာရေသောက်မြစ်တို့ ခြောက်ခန်းချိန် .......
သူငယ်ချင်းတို့ရေ ...မင်းတို့ဒီစာလေးကို ဖတ်ပြီး မင်းတို့ရဲ့
အတွေးအမြင်နဲ့ ခံစားချက်ကလေးတွေကို ပြန်လည်မျှဝေပေးပါလားကွယ်
....အဲဒါဆိုရင် တို့တွေအတွက် မင်းတို့ရဲ့ တန်ဖိုးရှိမယ့်အမြင်လေးတွေကို
ပြန်လည် သုံးသပ် တင်ပြချင်လို့ပါ ....
ညီမရေ . . .
ဒီတစ်ခေါက် စကားအဖြစ်နဲ့ ပြောဖြစ်ပေမယ့် အသေအချာကြီးကို
မဆွေးနွေးဖြစ်သေးတဲ့ အကြောင်းအရာတစ်ခုကို ပြောဖြစ်လိမ့်မယ် ထင်ပါရဲ့။
မကြာသေးမီက ရန်ကုန်နဲ့ မနီးမဝေး နယ်မြို့ကလေးတစ်မြို့ကို
ခရီးထွက်ဖြစ်ပါတယ်။ အဲဒီမြို့ကလေးကနေ နေ့ဝက်ခရီးသာသာမှာရှိတဲ့ ရွာကလေး
တစ်ရွာ ကိုလည်း အရောက်သွားခဲ့ရပါတယ်။ ရွာကတော် အတော်ကလေး
အိမ်ခြေများပါတယ်။ ရွာဦးမတော့ ကိုးတောင်ပြည့်စေတီကြီးနဲ့
ရေကန်ကြီးတစ်ကန်လည်း မြင်လိုက်ပါရဲ့။ ပြီးတော့ ရွာဦးကျောင်းကြီးကလည်း
ဟည်းလို့ပေါ့။ ရွာကိုလေ့လာရေးလာတာ မဟုတ်လေတော့။ ကိုယ်ရေးကိုယ်တာ
ကိစ္စကိုပဲ ပထမ ဦးတည် လုပ်ရတာပေါ့။ ပြီးလို့ အချိန်နည်းနည်းရရင်တော့
ရွာဦးစေတီကြီးနဲ့ ဘုန်းကြိးကျောင်းကြိးကို သွားမယ်လို့ စိတ်ကူးထားလိုက်မိတယ်။ ကိစ္စစောစောပြိးတာနဲ့ ရွာခံနဲ့ သာရေးနာရေးစကားပြောမိမှပဲ ဒီဇာတ်လမ်းက စဖြစ်တော့တယ်။
ညီမရေ . . .
ဒီရွာမှာ ဗုဒဘာသာ ကိုးကွယ်တာ ဆယ်အိမ်တောင် မပြည့်ရှာတော့ဘူးတဲ့။
ပြီးတော့ အဲဒီ ဘုရား၊ ကျောင်းကန်ဟာ ဆရာဒကာနဲ့ မစည်ကားခဲ့တာ ဆယ်စုနှစ်
နှစ်စုလောက်တောင် ရှိပြီဆိုပါလား။ ဒီကျောင်းကြီးမှာလည်း ကျောင်းထိုင်ဆရာတော်အဖြစ် တောထွက်ရဟန်းကြိး တစ်ပါးသာ ရှိတော့သတဲ့။ ကိုးတောင်ပြည့်စေတီတော်ကြိးလည်း ထုံးသင်္ကန်းကပ်သူဝေးလို့ ဆီမိးရေချမ်းတောင် အပူဇော်မခံရတာ တော်တော်ကို ကြာခဲ့ပါပြီလို့
ရွာခံ ဗုဒ္ဓဘာသာဝင် တစ်ဦးက ၀မ်းပန်းတနည်း ပြောရှာပါရဲ့။
ညီမရေ . . .
အနားကြည်လို့ အလယ်နောက်တဲ့ ကောသလ္လအိပ်မက်ကတော့ အဲဒီနေရာမှာ
မှန်လိုက်လေလို့ ပြောရတော့မှာပဲ။ တို့ဗုဒဘာသာဝင်တွေ အင်္ဂလန်တို့ ဘာမင်ဂန်တို့ ပြင်သစ်တို့ အမေရိကန်တို့ မွန်ဘိုင်းတို့မှာ ရှိရှိသမျှ ဓနအင်အားတွေ ပုံအောပြီး သာသနာအထွတ်တင် လုပ်ငန်းကြီးတွေ လုပ်နေကြပေမယ့် တို့မြန်မာနိုင်ငံထဲမှာတော့ သာသနာ့ ရေသောက်မြစ်တွေ
ခမ်းခြောက်ကုန်ကြပါရော့လား။
ညီမရေ . .
ဒီကနေ သာသနာမှာ ဆရာအဖြစ် အားထားရမယ့် ဘုရားရှင်ရဲ့ သားရဟန်းတော်တွေကို ဘယ်နေရာကများ ပေါ်ထွက်လာကြပါလိမ့်။ ဘယ်နေရာကများ မွေးထုတ်ပေးလိုက်ကြတာပါလိမ့်။ ခပ်ရှင်းရှင်း မထောက်မညာ ပြောရရင် ကျေးလက်တောနယ်တွေကပဲ မဟုတ်လား။ ရန်ကုန်လို မြို့ကြိးပြကြိးကနေ သာသနာ့ဝန်ထမ်း ရှင်ရဟန်းတွေ ဘယ်လောက်များ မွေးထုတ်ပေးနိုင်ခဲ့သလဲ
စဉ်းတော့စဉ်းစားစရာပါ ညီမရေ။ ဟုတ်ပါရဲ့ . . . မြို့ကြီးပြကြိးနဲ့ မနိးတဲ့ ကျေးလက်တောနယ်တွေကနေ တို့ဗုဒဘာသာဝင်တွေအတွက် ဆရာဖြစ်လာမယ့် ရဟန်းအလောင်းအလျာသာသနာအာဇာနည်တွေကို ရွာဦးကျောင်းအသီးသီးကနေ ဥပဇျယ် ဆရာတွေကနေ မွေးထုတ်ပေးလိုက်ကြတာ မဟုတ်လား။ အဲဒီကနေ မြို့ကြိးပြကြိးက
စာသင်တိုက်တွေရောက်လာ။ အလတ်တန်း အကြိးတန်းတွေ အဆင့်အဆင့်အောင်။
စာချဆရာတော်တွေဖြစ်လာ။ နောက်ဓမ္မစရိယအောင်ပန်းကို လက်လှမ်းနုိုင်ခဲ့ကြတယ်
ဒိလိုမဟုတ်လား။
အခုတော့ သာသနာ့အညွန့်အဖူးကို မွေးထုတ်မယ့် ကျေးလက်က
ကျောင်းကန်ဇရပ်မှာ ကျီးနဲ့ဖုတ်ဖုတ် ဖြစ်နေတဲ့အပြင် သြကာသ
ကန်တော့ချုိုးကို ဖြောင့်အောင်မရွတ်နိုင်ရှာတဲ့ ဒကာတွေနဲ့
မယားသေသားကွဲစိးပွားပျက်လို့ ရဟန်းဘောင်တက်လာတဲ့ တောထွက်ကြိးတွေကလည်း
ရှစ်ပါးသီလတောင် အနိုင်နိုင်ဆိုတော့ ဒီရွာနဲ့ ဒီသာသနာဟာ ရေရှည်မှာ
ရင်လေးစရာပါ။ ညီမရေ . . .။
နိုင်ငံတော် သံဃ၀န်ဆောင်ဆရာတော် တစ်ပါးကတော့ မိန့်ဖူးပါရဲ့။
ကျေးလက်ကို အခြေခံထားတဲ့ ဒီသာသနာမှာ သာသနာရဲ့ ရေသောက်မြစ်ဖြစ်တဲ့
ကျေးလက်ဒေသမှာ သာသနာရေသောက်မြစ်တွေ ခမ်းခြောက်နေတာဟာ အချိန်မီကုစားရမယ့်
အရေးကြီးဆုံးအလုပ်လို့ မိန့်ပါတယ်။ ကျေးလက်ဒေသ ကနေ သာမဏေဘ၀ကစလို့ ဓမ္မစရိယ
အဖြစ် အဆင့်ဆင့်တက်လှမ်းလာခဲ့တဲ့ ဆရာတော်တွေထဲက ဘယ်နှပါးများ ကျေးလက်ဒေသ
ကိုယ်မြေကိုယ် ရေမှာ သာသနာဝန်ထမ်းဖို့ စိတ်ကူးခဲ့ကြဖူးပါသလဲ။ ကိုယ်လို
ဓမ္မစရိယဆရာတော်တွေ ကိုယ်မြေမှာ ထွက်ပေါ်ဖို့ စိတ်များကူးမိကြပါလေစလို့
ဆရာတော်က မေးခွန်းထုတ်ခဲ့ဖူးပါတယ် ညီမရယ်။
ညီမရေ . . .
အဲသလို ကျေးလက်တောရွာမှာ ရှစ်ပါးသီလ ဖြောင့်အောင် မပေးတတ်တဲ့
တောထွက်ရဟန်းကြိးတွေ ရှိနေသေးတာကိုပဲ ကြံဖန်ကျေးဇူး တင်ရမယ်လို့
တက္ကသိုလ်က ကထိကဆရာတစ်ယောက်က ပြောခဲ့တယ်ကွဲ့။ ဘုရားကျောင်းကန်မှာ
ရဟန်းတော်တွေ တစ်ပါးမှ မရှိတော့တဲ့အဖြစ်တွေ ဖြစ်နေကြရလိုပါတဲ့။
ရန်ကုန်မြို့နဲ့ ဘယ်လောက်မှ မဝေးတဲ့ ဥက္ကံမြို့ ဘုရားကြိးတိုက်
ဘုရားကြိးဂိုဏ်း ဂိုဏ်းအုပ်ဆရာတော်ကြိးတစ်ပါးကတော့ ဘုရားကြိးဂိုဏ်း
ဓမ္မစက်ရောက်တဲ့ ကျေးရွာ သုံးဆယ်ကျော်ကျော်မှာ အနည်းဆုံး ဆယ့်ငါးရွာလောက်မှာ ကျောင်းထိုင်ဘုန်းကြီးမရှိတဲ့ ပြသနာကို ကျောင်းထိုင်ဘုန်းကြီး ရှာရတဲ့ဒုက္ခက မသေးဘူးလို့ မိန့်တော်မူပြန်တယ်။ ကျောင်းထိုင်ဘုန်းကြိးရပြန်တော့လည်း စောစောကရေးပြခဲ့သလို မယားသေ သားဆုံး စိးပွားပျက်လိုမို့ ရဟန်းဘောင်တက်လာတဲ့ တောထွက်ကြိးတွေနဲ့ပဲ
တ၀ဲဝဲလှည်ရရှာပြန်တာတဲ့ကွယ်။
ဒါဖြင့်ရင် ဒီတော ဒီနယ်တွေမှာ သာသနာ့အညွန့်အဖူးတွေ ပေါ်လာဖို့
ဝေးစွ။ ဗုဒဘာသာဆိုတာကို ပီပီပြင်ပြင် ကြည်ကြည်စင်စင် လမ်းပြပေးနိုင်မယ့်
ဆရာစစ်ဆရာကောင်းတောင် ပေါ်မလာနိုင်တာဟာ တို့ဘာသာ တို့သာသနာအတွက်
ဝမ်းနည်းစရာ မကောင်းပေဘူးလား။ ရွာငယ် ဇနပုဒ်တွေက ဂုဏ်ယူစရာကောင်းလောက်အောင် ဓမ္မစရိယအောင်ပန်းကို ဆင်မြန်းခဲ့တဲ့ တို့ဆရာတော်တွေ မဟာဓမ္မာစရိယကစလို့ ဟော အခုဆိုရင် အိန္ဒိယလို ထိုင်းလို သိရိလင်္ကာလို နိုင်ငံတွေမှာတောင် ဓမ္မနဲ့ပတ်သက်တဲ့ ပါရဂူဘွဲ့တွေ
ဆင်မြန်းနိုင်ဖို့ အားသွန်ခွန်စိုက် နေလိုက်ကြချိန်မှာ အခုတို့နိုင်ငံက အခုပစ္စက္ခအချိန်မျိုးနဲ့ ယှဉ်ထိုးကြည့်ရင်တော့ အင်း ၀မ်းသာရမှာလား ၀မ်းနည်းရမှာလားတောင် ပြောမပြတတ်အောင်ပါပဲ။
တို့ကျေးလက်တောနယ်က ဓမ္မစာပေပါရဂူကြိးတွေ တစ်ပါးပြီးတစ်ပါး ပေါ်ထွန်းနေချိန်မှာတော့ ဒီသာသနာ ဒီဆရာတွေကို မွေးထုတ်ပေးလိုက်တဲ့ တို့ကျေးလက်တောနယ်မှာတော့ ဘုရား နဲ့ဇရပ်ကျောင်းမှာ ဟောင်းလောင်းကြိး ဖြစ်ကုန်ကြပါ့ပေါ့လား။ ဆရာမရှိရှာတဲ့ အဲသည့် ကျောင်းကန်ဇရပ်မှာ ဒကာတွေ ဘယ်နယ့်သာသနာ့ပြုကြရပါ့။
ညီမရေ . ..
လွန်ခဲ့တဲ့ 2000 ပြည့်နှစ်တုန်းက မုန်တိုင်းမဆင်သေးတဲ့
ဧရာဝတီတိုင်းဘက်က ကျေးရွာတော်တော်များများကို ရောက်ခဲ့ရစဉ်တုန်းက
ဒီပြသနာကြိးကို ရိပ်စားမိပေမယ့်ေ၇ရှည်ကို မတွေးခဲ့မိတာ ၀န်ခံရမှာပါ။
ရှားရှားပါးပါး အကြီးတန်းအောင်ပြီးတဲ့ ရဟန်းတော်လေးတစ်ပါးကတော့
သူမြေသူရေမှာသူဘိုးဘွားက လှူဒါန်းထားတဲ့ ဘုရားကျောင်းကန်အတွက်
တက်လမ်းမရှာတော့ဘဲ အခြေချပြီးသာသနာပြုနေတယ်ကြားတော့ ၀မ်းသာအားရ
ရှိလိုက်တာ။ ဒါမှ သာသနာအာဇာနည်ကွလို့ ကိုယ်ဘာသာကိုယ့် သတ်မှတ်ထားတဲ့
စံနှုန်းနဲ့ တိုင်းပြိး ၀မ်းသာပိတီဖြစ်ရတယ်။ ရွာကကလေးငယ်တွေအတွက်
ယဉ်ကျေးလိမ္မာသင်တန်းပေးလို့ သာမဏေငယ်တွေ မွေးထုတ်မယ်ဆိုတော့
ဒီရဟန်းတော်ကလေးအတွက် နှစ်ထောင်းအားရ ရှိလိုက်တာလေ။
ညီမရေ. ..
မင်းကွန်းတိပိဋက ဆရာတော်ဘုရားကြိးဟာ သူ့သက်တမ်းတစ်လျှောက်မှာ
အဓိကကျတဲ့လုပ်ငန်း တစ်ခုဟာ သူလို တိပိဋကတွေ နိုင်ငံအနှံအပြားက
ပေါ်ထွန်းလာရေးပဲလို့ သိရပြန်တယ်ကွဲ့။ အဲသလို ကြိုးပန်းခဲ့လိုလဲ တိပိဋက
အောင်ပန်းတွေ တစ်ပွင့်ပြီးတစ်ပွင့် မင်းကွန်းမှာ ပွင့်ခဲ့တာ ကမ္ဘာအသိပါ
ညီမရယ်။ ရန်ကုန်မြို့ကမ္ဘာအေး တိပိဋက ဆရာတော် ဥူးသုမင်္ဂလလင်္ကာရကတော့
သာသနာအညွန့်အဖူးတွေ ပေါ်ဖို့ သာမဏေကျော်စီမံကိန်းကြီး ရေးဆွဲခဲ့တယ်
မဟုတ်လား။ ဟော သီတဂူဆရာတော်ကြီးကလည်း စစ်ကိုင်းတောင်ရိုးမှာ
သီတဂူကမ္ဘာ့ဗုဒတက္ကသိုလ်ကြီး တည်ထောင်လို့ သာသနာအာဇာနည်တွေ
တစ်ပါးပြိးတစ်ပါး မွေးထုတ်လို့ တာဝန်ကျေခဲ့ကြတယ် မဟုတ်လား။ စောစောက
ရေးခဲ့သလို ဥက္ကမြို့ ဘုရားကြိးတိုက်ရဲ့ ဓမ္မစက်အောက်မှာရှိတဲ့
ရွာကလေးအကြောင်း ဆက်ကြဦးစို့ရဲ့။ အစ်ကိုရောက်သွားတဲ့ရွာဟာ
ဥက္ကြုံမို့အပိုင်က ဘုရားကြီးတိုက်ဓမ္မစက်ရောက်တဲ့ ပဋ္ဌာန်းကုန်းဆိုတဲ့ရွာပါ။
ညီမရေ . .
တကယ်တော့ အဲဒိရွာဟာ ဥက္ကံမြို့ကနေ လှည်းဆင့်လိုက်ရင် နေ့ဝက်သာသာမို့
ခုလို ဆိုင်ကယ်ခေတ်၊ ထော်လာဂျီခေတ်မှာ 3 နာရီသာသာခရိး ရယ်ပါ။
မြို့တော်ရန်ကုန်နဲ့ ဥက္ကံဟာ လေးနာရီသာကြာတာမို့ ရန်ကုန်ကနေ အဲဒီရွာကို
မနက် ခြောက်နာရီလောက်ထွက်ရင် မွန်းလွဲ 1 နာရီမထိုးခင် ရောက်တာမို့
အဲသည်လောက် ခရီးလေးမှာ သာသနာကွယ်ရတော့မှာမို့ တော်တော်ကို
စိတ်မကောင်းဖြစ်ရပြန်ပါတယ်။
ညီမရေ . . .
ဒိရွာဟာ အစ်ကို စာအစမှာရေးပြခဲ့သလို ကျောင်းကြီးရခိုင်နဲ့
ကိုးတောင်ပြည့်စေတီကြိးနဲ့ပါ။ အခုတော့ စာဖြူလို့ခေါ်ကြတဲ့ခရစ်ယန်
ဘာသာဝင်တွေ များလာတာမို့ တို့ဘာသာအရေအတွက်ဟာ
ဆယ်အိမ်တောင်မကျန်တော့ဘူးတဲ့။ တို့ဘာသာဝင်တွေ နည်းတာမို့ ရွာဦးကျောင်းက
တောထွက်ရဟန်းကြိး ခင်ဗျာလည်း ဆွမ်းကွမ်းခက်ရှာပေမပေါ့။ ရွာကလည်း ဆင်းရဲ။
ရိုးမက ဆင်အုပ်ကလည်း သတင်းတွေထဲပါသလို နေနေညညဆိုတော့ ခင်ဗျာများမှာ ဘုရား
တရားလည်း ဂရုစိုက်နို်င်ပုံ မရရှာပေဘူး။ ဒါပေသိ ပဌာန်းကုန်းက
တောထွက်ရဟန်းကြိးကတော့ သူ့နည်းသူဟန်နဲ့ တုိ့ဘာသာ တို့သာသာနာ
တော်ကြိးအတွက် နိုင်ရာတာဝန်ထမ်းနေပုံကတော့ အားကျစရာပါ။ ဥက္ကံမြို့က
တရားခွေတွေအလှူခံပြိးတော့ နံနက်တိုင်း ရွာဦးကျောင်းကနေ တရားခွေတွေ
ဖွင့်တယ်။ ဆွမ်းမရတဲ့နေမှာတော့ မြို့ကအလှူခဲ့လာတဲ့ ပေါက်မုန့်ခြောက်နဲ့
နို့ဆီသုတ်စားပြိး အသက်ဆက်သာသနာပြုရရှာတယ်ကွယ်။ ၀ါတွင်းဆိုရင်
ဆွမ်းကွမ်းလုံးလုံးမရတော့တဲ့အပြင် ကျောင်းမယ် ဝေယျဝစ္စလုပ်မယ့်
ဒကာတွေတောင် မရှိလေတော့ ရွာဦးကျောင်းကြီးကို ပစ်ပြိး
ဥက္ကံဘုရားကြီးတိုက်မှာ ကျောင်းသားတစ်ယောက်လောက် ၀ါတွင်းမယ်ရဖို့အရေး
အတင်းအကျပ်တောင်းရရှာသတဲ့။
ညီမရေ
တို့ရွာဦးမတော့ ကျောင်းကန်ဇရပ်စေတီနဲ့ တို့ဗုဒဘာသာ
ရဟန်းတော်တစ်ပါးရှိနေသေးတယ်ဆိုတဲ့ အသိကလေး တို့ဗုဒဘာသာဝင်တွေ ရင်ထဲ
ရောက်ဖို့ အခြားဘာသာဝင်တွေ ရင်ထဲမလဲ ဒီအရပ် ဒီဒေသမှာတော့
ဗုဒဘာသာအောင်လံကြီး လွှင့်ထူထားပါလား ဆိုတဲ့အသိလေး ရင်ထဲရောက်နိုင်ဖို့
ငတ်တလှည့်ပြတ်တလှည့်နဲ့ သာသနာအောင်လံကြိးကို အနိုင်နိုင်လွှင့်နေရဆဲပါ။
ညီမရေ
နိုင်ငံတကာမှာ သာသာနာပြုနိုင်ဖို့အတွက် ဗုဒစာပေပါရဂူတွေ
တစ်ပါးတစ်ပါး တာဆူနေတာဟာ တို့ဘာသာ တုိ့သာသနာအတွက်တော့ ၀မ်းမြောက်ပီတိ
ဖြစ်ရပေမယ့်။ ဒီရဟန်းတော်တွေကို မွေးထုတ်ပေးလိုက်တဲ့
ကျေးလက်တောနယ်တွေမှာတော့ နောက်ထပ်သာသာနာ့မျိုးဆက်တွေ မပေါ်တော့မယ်
အခြေအနေအတွက် ၀မ်းနည်းနေရဆဲပါ။ ဒိအခြေအနေမှာတော့ ပုဂံခေတ်က
ပုဂံပြည်ကြီးကို ကယ်တင်ဖို့အတွက် တရုတ်နိုင်ငံဧကရာဇ်ဆီ အရောက်သွားခဲ့တဲ့
ရှင်ဒီသာပါမောက်လို့ “ပုဂံပြည်ကြီးကို ရေသွန်းလောင်းပါဦး”” လို့
ဆိုခဲ့သလို ““သာသနာရေသောက်မြစ်တွေကို ရေသွန်းလောင်းပါဦး အရှင်ဘုရားတို့
ဘုရား””လို့ တောင်းပန်လျှောက်ထားရင်းဒိစာကို အဆုံးသတ်ရမှာပါပဲ။
အစ်ကို
အောင်စည်ဟိန်း
ပေးပို့သူ။ ဒေါက်တာအိန္ဒောဘာသ(မာဂဓ)
Sunday, July 12, 2009
သာသနာရေသောက်မြစ်တို့ ခြောက်ခန်းချိန် .......
Sunday, July 5, 2009
ဝါဆိုအကြောင်း သိကောင်းစရာ..
6th July, ဝါဆိုလပြည့်။
ဝါဆိုလကို ရောက်လာပြီဖြစ်တဲ့ အတွက် သာသနာ့ဝန်ထမ်း ရဟန်းတော်များရဲ့ ၀ါဆိုဝါကပ်ရမည့် အချိန်ဟာလည်း တဖြည်းဖြည်း နီးကပ်လာနေပြီ ဖြစ်ပါတယ်။ ဗုဒ္ဓဘာသာဝင် သူတော်စင်များအတွက်လည်း ၀ါတွင်းကာလတွင် အစဉ်အလာလုပ်နေကျ ဘာသာရေးအလုပ်များကို ပြုလုပ်နိုင်ရန် အားခဲထားကြပြီး ၀ါတွင်းကာလတွင် မလုပ်သင့်ဟု ယူဆကာ ရှောင်ကြဉ်ရမည့် အလုပ်များကို ၀ါတွင်းမရောက်ခင် ခုကတည်း ကြိုတင်လုပ်ဆောင် နေကြတာတွေလည်း ရှိကြပါတယ်။ ဆရာရော ဒကာများအတွက်ပါ ၀ါတွင်းကာလသည် အရေးကြီးသည်ဟု စိတ်မှာနှလုံးသွင်းထား ကြပါတယ်။ သို့ဆိုလျှင် ဘာကြောင့် အရေးကြီးတာလဲ…။ ဒီကာလကို ဘာကြောင့် ၀ါတွင်းကာလဟု ဆိုတာလဲ…၊ ၀ါဆိုဝါကပ်တယ်ဆိုတာ ဘာကိုဆိုတာလဲ… စတဲ့ ၀ါဆိုဝါကပ်ခြင်းအပါအ၀င် ၀ါဆိုနဲ့ပတ်သက်တဲ့ အကြောင်းအရာလေးများကို သိထားရန် လိုအပ်လာပြန်ပါတယ်။ ဒါကြောင့် အစဉ်အလာအရ ပြောဆိုလုပ်ကိုင် နေကြပေမယ့် ဘာကြောင့်ဒီလို ပြောဆိုလုပ်ကိုင်ရတယ်ဆိုတာ မသိကြသေးတဲ့ သူများအတွက် ၀ါဆိုအကြောင်း သိကောင်းစရာလေးများကို အနည်းငယ်မျှ သိရှိနားလည်သွားစေဖို့ ရေးသားတင်ပြလိုက်ရခြင်း ဖြစ်ပါတယ်။
ဝါဆိုဝါကပ်ခြင်းဟူသည်…
ဝါဆိုဝါကပ်တယ်ဆိုတာ “၀ိနည်းတော်အရ သတ်မှတ်ထားတဲ့ မိုးရာသီကာလတွင် အခြားအရပ်ဒေသသို့ ညအိပ်ညနေ ကြွရောက်ခြင်းမရှိဘဲ မိမိတိုင်ဆိုင်ရာ ကျောင်းအရမ်အတွင်းမှာသာ နေထိုင်သီတင်းသုံးပါမည့် အကြောင်း ဘုရားရှင်နှင့် သီတင်းသုံး သံဃာတော်များရှေ့တွင် နှုတ်မှမြွက်ဆို ကတိပြုခြင်းနှင့် ထိုကတိပြုမြွက်ဆိုထားသည့် ကာလအတွင်း ကျောင်းတိုက်အရာမ်တွင်းမှာသာ ကပ်ရောက်နေထိုင်ခြင်း” ကို ဆိုပါတယ်။
ဝါဆိုခြင်းအစဉ်အလာ စတင်ခြင်း
ဒီဝါဆိုဝါကပ်ခြင်း အစဉ်အလာသတ်မှတ်ချက် ၀ိနည်းဥပဒေဟာ ဘုရားရှင်ဘုရားဖြစ်တော်မူမူချင်း သတ်မှတ်ထားတဲ့ ၀ိနည်းဥပဒေမဟုတ်ပါဘူး နောက်ပိုင်းမှ ပေါ်ပေါက်လာတဲ့ ၀ိနည်းပညတ်တော်ဖြစ်ပါတယ်။ ဒီဥပဒေသတ်မှတ်ချက် ဖြစ်ပေါ်လာပုံမှာ ဘုရားရှင် ရာဇဂြိုဟ်ပြည် ဝေဠုဝန်ကျောင်းမှာ သီတင်းသုံးနေစဉ်က ဖြစ်ပါတယ်။ ဒီတုန်းက မြတ်စွာဘုရားအနေဖြင့် ရဟန်းတော်များ ၀ါဆိုဝါကပ်ပြုရမယ်ဆိုတဲ့ ၀ိနည်းဥပဒေ မရှိသေးတဲ့အတွက် ရဟန်းတော်များဟာ နွေးမိုးဆောင်း ဥတုသုံးပါးလုံးမှာ အချိန်မရွေး မိမိတို့သင့်ရာ နေရာများကို လှည့်လည်ကြွရောက်လေ့ ရှိကြပါတယ်။ အဲလိုကြွတဲ့အခါ မိုးတွင်းကာလမှာတော့ စိုက်ပျိုးထားတဲ့ သီးနှံစိုက်ခင်းများဟာ ရဟန်းတော်များ ဖြတ်လျှောက်သွားကြလို့ ပျက်ဆီးမှုတွေ ရှိလာပါတယ်။ ဘုရားလက်ထက်ကတော့ ဘယ်ကြွကြွ ခြေလျင်ပဲ ကြွကြရတာဖြစ်လို့ လယ်ကွင်းစိုက်ခင်းများကပဲ ရဟန်းတော်များ ဖြတ်သန်းသွားလာကြရပါတယ်။ နွေရာသီ ဆောင်းရာသီများမှာ ပြဿနာမရှိပေမယ့် မိုးရာသီမှာတော့ စိုက်ပျိုးမှုများ ရှိလာပြီး ရဟန်းများကြောင့် သီးနှံစပါးစိုက်ခင်းများ ပျက်ဆီးလာတဲ့အတွက် လူတွေဟာ ကဲ့ရဲ့လာကြပါတယ်။ ဒီအကြောင်းကို ဘုရားရှင်က သိရှိတော်မူပြီး မိုးရာသီကာလတွင် ၀ါဆိုဝါကပ်ခြင်းကို ပြုကြရမယ်၊ ၀ါမဆိုမကပ်ပါက ဒုက္ကဋ်အာပတ်သင့်စေဟု ၀ိနည်းဥပဒေ ပညတ်ခြင်းဖြစ်ပါတယ်။ အဲဒီအချိန်ကစပြီး ၀ါဆိုဝါကပ်ခြင်း အစဉ်အလာ ဥပဒေစတင်ခဲ့ခြင်း ဖြစ်ပါတယ်။
ဝါဆိုကာလ သတ်မှတ်ခြင်းနှင့် ၀ါနှစ်မျိုး
ဝါဆိုရမယ်လို့ ဥပဒေ၀ိနည်းပညတ်ပြီးနောက် ဘုရားရှင်က ၀ါဆိုရမယ့် ကာလကိုလည်း အတိအကျ သတ်မှတ်ပေးပါတယ်။ ၀ါဆိုဝါကပ်ခြင်းကို ၀ါဆိုလပြည့်ကျော် တစ်ရက်နေ့မှာ ပြုလုပ်နိုင်ပြီး အဲဒီလို ၀ါဆိုလပြည့်ကျော်တစ်ရက်နေ့မှာ ၀ါဆိုဝါကပ်ခြင်းကို ပုရိမ(ရှေ့)၀ါဆိုခြင်းလို့ ဆိုပါတယ်။ အကြောင်းကိစ္စတစ်ခုခုကြောင့် ၀ါဆိုလပြည့်ကျော် တစ်ရက်နေ့မှာ ၀ါဆိုဝါကပ်ခြင်း မလုပ်နိုင်ကြတဲ့ ရဟန်းတော်များ အနေဖြင့် ၀ါခေါင်လပြည့်ကျော် တစ်ရက်နေ့မှာ ၀ါဆိုဝါကပ်ခြင်း ပြုလုပ်နိုင်ပါတယ်။ ဒီဝါခေါင်လပြည့်ကျော် တစ်ရက်နေ့မှာ ၀ါဆိုဝါကပ်ခြင်းကိုတော့ ပစ္ဆိမ(နောက်)၀ါဆိုခြင်းလို့ ဆိုပါတယ်။
ပုရိမ၀ါလို့ခေါ်တဲ့ ၀ါဆိုလပြည့်ကျော် တစ်ရက်နေ့မှာ ၀ါဆိုဝါကပ်တဲ့ ရဟန်းတော်များဟာ သီတင်းကျွတ်လပြည့်နေ့မှာ ၀ါထွက်ဝါကျွတ်ပြီး ပစ္ဆိမ၀ါလို့ခေါ်တဲ့ ၀ါခေါင်လပြည့်ကျော် တစ်ရက်နေ့မှာ ၀ါဆိုဝါကပ်တဲ့ ရဟန်းတော်များကတော့ တန်ဆောင်မုန်းလပြည့်နေ့မှ ၀ါထွက်ဝါကျွတ်ပါတယ်။
ဝါပန်ခြင်းနှင့် ၀ါကျိုးခြင်း
ဝါဆိုဝါကပ်ထားတဲ့ ရဟန်းတော်များဟာ ၀ါတွင်းကာလမှာ တစ်ခြားနေရာအရပ်ဒေသသို့ ညအိပ်ညနေ ကြွသွားလို့ မရပါဘူး။ နေ့လည်နေ့ခင်း နောက်နေ့ အာရုဏ်မတက်မီ ကျောင်းကိုပြန်ရောက်နိုင်ရင်တော့ ကြွလို့ရပါတယ်။ ဒါပေမယ့် အကြောင်းကိစ္စရှိလို့ မဖြစ်မနေ ကြွရောက်ရမယ့် ကိစ္စပေါ်ပေါက်လာပါက ၀ါပန်ပြီး ခုနှစ်ရက် ကြွလို့ရပါတယ်။ ခုနှစ်ရက်ထက်ပိုပြီး ကြွလို့မရပါဘူး။ ကျော်လွန်ပါက အာပတ်သင့်ပါတယ်။ ၀ါပန်တယ်ဆိုတာ ခုနှစ်ရက်အတွင်း မိမိဝါဆိုဝါကပ်ပြုထားသည့် ကျောင်းကိုပြန်လည်ကြွရောက် ပါမည့်အကြောင်း အဓိဋ္ဌာန်ပြုခြင်းကို ၀ါပန်တယ်လို့ ဆိုပါတယ်။ ၀ါဆိုဝါကပ်ပြုပြီး ၀ါမပန်ဘဲ ကြွသွားခဲ့မိသော် သို့မဟုတ် ခုနှစ်ရက်ထက် ကျော်လွန်သွားခဲ့သော် ၀ါကျိုးပါတယ်။
ဝါကျိုးခြင်းနှင့် ၀ါအရေအတွက် မရခြင်း
ဝါကျိုးတယ်ဆိုတာ ၀ိနည်းဥပဒေ မလိုက်နာမိ၍ ဥပဒေ ကျိုးပျက်သွားခြင်းဖြစ်ပြီး ဒုက္ကဋ်အာပတ်သင့်ခြင်းကို ဆိုပါတယ်။ တစ်ချို့က ၀ါကျိုးရင်ကိုပဲ ၀ါမရဘူး ဒီကျိုးတဲ့ ၀ါကို ၀ါအရေအတွက်ထဲ ထည့်ရေလို့မရဘူးလို့ ထင်တတ်ပါတယ်။ ရေတွက်လို့ရပါတယ်။ ၀ါကျိုးပျက်လို့ အာပတ်သင့်ခြင်း၊ ကထိန်ခံခွင့် မရခြင်းပဲ ရှိပါတယ်။ ၀ါအရေအတွက်လျော့ခြင်း မရှိပါဘူး။ ဒါပေမယ့် ၀ါကျိုးပျက်တိုင်းလည်း အာပတ်မသင့်ပါဘူး။ အန္တရာယ်တစ်စုံတစ်ခု ကျရောက်ဖြစ်ပေါ်ခြင်း သံဃာကွဲခြင်းကြောင့် ၀ါဆိုဝါကပ်ပျက်ခြင်း ၀ါကျိုးခြင်း ဖြစ်တဲ့အခါ ဒီဝါပျက်ဝါကျိုးခြင်းကြောင့် အာပတ်မသင့်ပါဘူး။
ဝါဆိုသင်္ကန်း
ဝါဆိုသင်္ကန်းဆိုပြီး ကပ်လှူလေ့ရှိတဲ့ သင်္ကန်းကို စာပေကတော့ ၀ဿဝါသိကစီဝရလို့ ခေါ်ပါတယ်။ တိုက်ရိုက်မြန်မာပြန်ရင် မိုးရေခံသင်္ကန်းလို့ အဓိပ္ပါယ်ရပါတယ်။ ၀ိသာခါ ဒါယိကမကြီးရဲ့ တောင်းဆိုချက်ကြောင့် မြတ်စွာဘုရားရှင်က ဒီသင်္ကန်းလှူဒါန်းမှုကို ခွင့်ပြုတော်မူပါတယ်။ ဒီသင်္ကန်းလှူဒါန်းမှုမှာ တစ်ချို့က ၀ါမဆိုခင်ပဲ လှူဒါန်းလို့ ရတယ်လို့ ထင်ကြပါတယ်။ အဲလိုမဟုတ်ပါဘူး။ ၀ါမဆိုခင်ရော ၀ါဆိုနေတဲ့ ၀ါတွင်းအချိန်မှာရော ကြိုက်သလောက် ကြိုက်သလို လှူဒါန်းနိုင်ပါတယ်။ ကထိန်သင်္ကန်းနဲ့ မတူတဲ့အချက်က ကထိန်သင်္ကန်းကတော့ ကာလသတ်မှတ်ချက် ကျောင်းသတ်မှတ်ချက်စတာတွေ ရှိပါတယ်။ ၀ါဆိုသင်္ကန်းကတော့ အဲလိုသတ်မှတ်ချက်မရှိဘဲ ၀ါမဆိုခင်ရော ၀ါတွင်းမှာရော ကြိုက်သလို လှူနိုင်တဲ့အချက်ပါ။ များသောအားဖြင့် ၀ါမဆိုခင်မှာ လှူကြတာများပါတယ်။ အဲဒါမှ ၀ါတွင်းမှာ ဒီသင်္ကန်းကို ၀တ်ရုံပြီး မိုးစိုတဲ့သင်္ကန်းကို အလဲအလှယ် လုပ်နိုင်မှာဖြစ်တယ်လို့ ဆိုပါတယ်။ ဘယ်လိုပဲဖြစ်ဖြစ် စိတ်ကအာရုံပြုပြီး အချိန်မရွေး လှူဒါန်းနိုင်ပါတယ်ဆိုတဲ့ အချက်ပဲဖြစ်ပါတယ်။
ဘုန်းဘုန်း ဦးဝိစိတ္တ http://phonephonevi.blogspot.com မှ ကူးယူဖေါ်ပြပေးပါသည်။
ပေးပို့သူ ဒကာဖိုးသား။
Wednesday, July 1, 2009
ဝါဒသူခိုး ခေတ်သစ် သုသီမ
30th June, 2009
အရှင်ကေလာသ
ဓမ္မာစရိယ၊ B.A (Philo) M.A. (Buddhism) ဖြေဆိုသည်
***
ဆရာတော် အရှင်မြတ်ဘုရား၊
သိလိုရေးနှင့် မေးလျှောက်အပ်ပါသည် -
လော့စ်အိန်ဂျယ်လိစ်က ထုတ်တဲ့ စာစောင်တစ်ခုမှာ ပစ္စုပ္ပန်ကမ္မဝါဒဟု ဖတ်ရပါသည်။ ပစ္စုပ္ပန်ကမ္မဝါဒဆိုတာ ဗုဒ္ဓဝါဒနှင့် ပတ်သက်ပါသလား။ ဓမ္မ စကြာသုတ်ကို အဲဒီဝါဒနှင့်အညီ အဓိပ္ပာယ်ဖွင့်ဆိုသည်ဟုလည်း ဆိုပါ သည်။ ဖြစ်နိုင်ပါသလား။ 'ကာမဂုဏ်ချမ်းသာကို ပြန်ရဖို့ ဒါနသီလ ဘာ ဝနာ ကောင်းမှုတွေကို ပြုရင် ကာမသုခလ္လိကာနုယောဂအကျင့်'လို့ ဆို ထားပါသည်။ တစ်ဖန် 'အတ္တကိလမထာနု ယောဂအကျင့် ဆိုတာ ရူပ အရုပဈာန် အကျင့်တွေသာ ဖြစ်တယ်' ဟုလည်း ဆိုပါသည်။ အဲဒီ အဆို တွေ ဟုတ်ပါသလား။
ကာမသုခလ္လိကာနုယောဂအကျင့် နှင့် အတ္တကိလမထာနု ယောဂ အကျင့်တို့၏ ကျမ်းဂန်ထွက်အစစ် အဓိပ္ပာယ်မှန်ကို သိလိုပါသည်။ ဆောင်း ပါးရေးသူက သူ့အဆို အချို့ကို 'ပိဋကမှာ တွေ့ပါတယ်'ဟုလည်း ဆိုပါ သည်။ ဖြစ်နိုင်ပါသလား။ ထိုဆောင်းပါးမှာပင် 'ဒုက္ကရစရိယာ အကျင့်ဆို တာ ဘယ်လို ကျင့်သုံးနေထိုင်ခြင်း ဖြစ် တယ်လို့ အသေးစိတ် ရှင်းပြချက် မတွေ့ရပါဘူး' ဟုလည်း ဆိုပါသည်။ မှန်ပါသလား။ ဖြေကြားပေးစေလို ပါသည်။
တောက်ထက်၊ သုတမြေ
မေးခွန်းပါ အတိုင်းဆိုရင် ဗုဒ္ဓဝါဒအစစ်အမှန်ကို ထင်ယောင် ထင်မှား ဖြစ် စေမယ့် ရေးသားချက်မျိုး ဖြစ်နေလို့ မေးလည်း မေးသင့်တယ်၊ ဖြေလည်း ဖြေဆိုပေးသင့်တယ်လို့ ယူဆပါတယ်။ ဗုဒ္ဓအဆုံးအမ ဗုဒ္ဓသာသနာကို မြတ်နိုး နှစ်သက်သူ ဗုဒ္ဓဝါဒီတို့ သမ္မာအမြင် ရှိထားဖို့ လိုပေလိမ့်မယ်။ ဒါ ဟာ ဖြေဆိုသူရဲ့ ရည်ရွယ်ချက်ပါ။ ဝါဒ တစ်ရပ်ကို တင်ပြမယ်ဆိုရင် သတ္တိ ရှိသင့်တယ်။ ဦးပွ ကိုယ်တိုင် တွေးခေါ် တင်ပြတဲ့ 'ဦးပွဝါဒ'၊ ကြိုက်ရင် ယူ၊ မကြိုက်ရင် ဆောရီး ပေါ့။ အဲဒီလိုပဲ ဖြစ်သင့်တယ်။ ဘာလို့ ဗုဒ္ဓဝါဒပါလို့ ပြောနေအုံးမှာလဲ။ အိန္ဒိယမှာ ဗုဒ္ဓဝါဒ ကွယ်ပျောက်ရတာဟာ အဲဒီလို ပူးသတ်ခံရလို့ပဲ။
ကာလသုံးပါး
ပဋိစ္စသမုပ္ပါဒ်ဒေသနာကို လေ့လာဖူးရင် ဗုဒ္ဓဟောတဲ့ ကမ္မဝါဒဟာ ပစ္စုပ္ပန်၊ အတိတ်၊ အနာဂတ်ဆိုတဲ့ ကာလ သုံးပါးလုံးနဲ့ ပတ်သက်တယ် ဆိုတာကို ရှင်းလင်းစွာ တွေ့ပါလိမ့်မယ်။ ပစ္စုပ္ပန်ကမ္မဝါဒကိုပဲ လက်ခံတယ်ဆိုရင် ဗုဒ္ဓ ဝါဒ မဟုတ်ဘူး။ ဆောင်းပါး ရေးသူရဲ့ ဝါဒပဲ ဖြစ်လိမ့်မယ်။ အဲဒီဝါဒကို လက်ခံထားသူက ဗုဒ္ဓဝါဒီပါလို့ဆိုရင် ဗုဒ္ဓဝါဒကို စော်ကားတာပဲ။ ကျုပ်က ဖန်ဆင်းရှင်ကို မယုံတဲ့ ခရစ်ယန် အစစ်ပါလို့ဆိုရင် ခရစ်ယန်ဝါဒကို စော် ကားရာကျသလိုပဲ။
ဓမ္မစကြာလက်သစ်
မိမိယူဆချက် ခိုင်လုံဖို့နဲ့ ခွန်အားရှိဖို့ ဗုဒ္ဓကျမ်းဂန်ကို ကိုးကားချင် သပ ဆိုရင် မည်သူမဆို ကိုးကားခွင့် ရှိပါတယ်။ ဒါပေမယ့် ဗုဒ္ဓ ဟောလိုရင်း အဓိပ္ပာယ်နဲ့ မိမိယူဆချက်ဟာ တစ်ထပ်တည်းတော့ ဖြစ်ရမယ်။ ကိုယ်ယူ ဆတာက တစ်မျိုး၊ ဗုဒ္ဓဟောတာက တစ်ခြားဆိုရင် ဒီကိုကားမှုဟာ မမှန် ဘူး။ ဓမ္မစကြာသုတ်မှာက အဓိပ္ပာယ် ဖွင့်ဆိုချက်အမှန် ရှိပြီးသားဖြစ်လို့ ဗုဒ္ဓဝါဒနဲ့ မကိုက်ညီတဲ့ အခြားရှုထောင့်တစ်ခုက သုံးသပ်ပြတယ် ဆိုရင် တစ်ချိန်က လူသေလူဖြစ်ဝါဒီတို့ လုပ်သလို ဓမ္မစကြာလက်သစ်ပဲ ဖြစ်မယ်။
ဘုန်းကြီးအနေနဲ့ ဓမ္မစကြာသုတ်ထဲမှာ ပစ္စပ္ပန်ကမ္မဝါဒ ဆိုတာနဲ့ ကိုက်ညီတဲ့ အတွေးအမြင်ကို လုံးဝ မတွေ့မိပါဘူး။ ပစ္စုပ္ပန် ကမ္မဝါဒဆို တာနဲ့ ဓမ္မစကြာသုတ် ဘာမှ မဆိုင်နိုင်ပါဘူး။ ကျုပ်ဝါဒ ကတော့ ဗုဒ္ဓဝါဒနဲ့ မဆိုင်ဘူး၊ ကျုပ်ယူဆတာကို ကျုပ်ရေးတာ ဆို ရင် ရှင်းပါတယ်။ ဘာမှ တုံ့ပြန်နေစရာလည်း မလိုပါဘူး။
ကာမသုခလ္လိကာနုယောဂ
ဗုဒ္ဓဖြစ်ဖို့ ပါရမီဖြည့်မယ့် ဗုဒ္ဓလောင်းလျာဟာ ...
'သဗ္ဗညုတံ ပါပုဏိတွာ၊
သန္တာရေဿံ သဒေဝကံ'လို့
ဆုံးဖြတ်ခဲ့ပါတယ်။ အဓိပ္ပာယ်က 'ဗောဓိÓာဏ်ကို ရပြီးရင် နတ်လူတွေကို ဘဝသံသရာမှ ကယ်တင်မယ်'တဲ့။ ဗုဒ္ဓလောင်းလျာဟာ ဇနီး မယား သမီး သားနဲ့ ကိုယ်အသက်ကိုပါ ပေးစွန့်ရာမှာ ရည်ရွယ်ချက်က ဗောဓိဉာဏ်ကို ရဖို့ပဲ။ တစ်နည်းပြောရင် ဗောဓိဉာဏ်ကို ရဖို့ ရင်းနှီးခဲ့တာပဲ။ ဒါန သီလ ဘာဝနာထဲက ဘာကောင်းမှုပဲ ပြုပြု ရည်ရွယ်ချက်တော့ ရှိကောင်းပါ တယ်။ 'အလိုရှိရာကို တောင့်တ (ဆုတောင်း)၍ သမဏ ဗြာဟ္မဏတွေကို ထမင်းအဖျော်စတဲ့ လှူဖွယ်ဝတ္ထုကို ပေးလှူရင် အလိုရှိတဲ့ သူဌေး သူကြွယ် အဖြစ်နဲ့ လူ့ ဘဝ၊ ထိုထက်မြင့်တဲ့ နတ်ဗြဟ္မာဘဝတွေကို ရနိုင်တယ်'လို့ သင်္ဂီတိ သုတ် (ဒီ ၃၊ ၂၁၄)မှာ ဗုဒ္ဓကိုယ်တိုင် ဟောထားပါတယ်။
သူဌေးဖြစ်ချင်လို့ပဲ လှူလှူ နတ်ဖြစ်ချင်လို့ပဲ လှူလှူ အဲဒီလို လှူတဲ့ အတွက်တော့ လောကလူသားတွေမှာ အနည်းနဲ့အများ ကောင်းကျိုး ရကြ တာပါပဲ။ ဥပမာ ဆေးရုံကြီးတစ်ခု ဆောက်လှူတယ် ဆိုပါတော့။ အလှူ့ ရှင်က အဲဒီကောင်းမှုရဲ့ အကျိုးအနေနဲ့ ဘာပဲဖြစ်ချင် ဖြစ်ချင် ပထမဆုံး အဲဒီက နယ်သူနယ်သား အများကောင်းကျိုး ရတာပဲ မဟုတ်လား။ အဲဒါကို ဘယ်လိုလုပ်ပြီး ကာမသုခလ္လိကာနုယောဂလို့ ဆိုနိုင်မှာတုန်း။ 'သူတပါး အကျိုး၊ အများအကျိုး၊ လူသားလောက အကျိုးကို ရည်စူး ဦးတည်ခြင်းရှိ ပြီး' ကိုယ့်အိတ်ထဲက ပစ္စည်းနဲ့ ဒုက္ခရောက်သူတွေကို ဘယ်လောက် လှူ ဒါန်းပြီးပြီလဲလို့ ကိုယ့်ဟာကိုယ်ပဲ ဆန်းစစ်ကြည့်သင့်ပါတယ်။
အခက်အခဲနဲ့ ကြုံနေလို့ စိတ်တွေ ရောက်ရက် ခတ်နေတဲ့ အခါ အဓိဋ္ဌာန်ပြုပြီး ပုတီးစိပ်လိုက်တော့ စိတ်ငြိမ်၊ စိတ်ငြိမ်တော့ အတွေးအကြံ ကောင်းတွေ ရပြီး ဆုံးဖြတ်ချက် မှန်ကန်လို့ လောကီ ကိစ္စတွေလည်း အောင်မြင်သွားတာပေါ့။ ပုတီးစိပ်တာဟာ ဗုဒ္ဓဝါဒီအဖို့ အောက်ဆုံး အဆင့် ပါ။ အဲဒီကနေ စစ်မှန်တဲ့ ဝိပဿနာအဆင့် ကို တက်သွားနိုင်တာပဲ။ ဒါကို ကာမသုခလ္လိကာနုယောဂပါလို့ ဘာ လို့ အပြစ်တင်နေမလဲ။ ဗုဒ္ဓရဲ့ ညီတော် ရဟန္တာကြီး အရှင်နန္ဒ ရဟန်းဝတ်ခဲ့တာဟာ နတ်သမီးတွေကို လိုချင်လို့ပါ။ သာသနာအစ သို့မဟုတ် ဘာသာရေး လုပ်ခါစမှာ အဲဒါလေးတွေတော့ ရှိ တတ်ပါတယ်။ ကာမသုခလ္လိကနဲ့ ဘာမှ မဆိုင်ပါဘူး။
ဘဝတစ်လျှောက်လုံး ကာမချမ်းသာကိုချည်း ခံစားမနေဘဲ သင့် တင့်တဲ့ အစားအစာ၊ အဝတ်တန်ဆာနဲ့ နေထိုင်စရာတွေကို သုံးဆောင်ပြီး ဝိမုတ္တိသုခကို ရအောင် အားထုတ်နိုင်ဖို့ ကာမသုခလ္လိကာ နုယောဂကို ပယ်တာ ဖြစ်ပါတယ်။ ဒါဟာ ဒီအစွန်းကို ပယ်ရတဲ့ အဓိက ရည်ရွယ်ချက် ပါ။ ဒီအကျင့်ရဲ့ အဓိပ္ပာယ်မှန်ကို လယ်တီ၊ မဟာစည်၊ တောင်မြို့စတဲ့ ပိဋ ကတ်အိုးကွဲ ဆရာတော်ကြီးတွေ ဖွင့်ဆိုထားပြီးသားပါ။ ရှာဖွေ ဖတ်ရှုရုံပါပဲ။
အတ္တကိလမထာနုယောဂ
'အတ္တကိလမထာနုယောဂ အကျင့်ဆိုတာ ရူပ အရူပဈာန် အကျင့် တွေသာ ဖြစ်တယ်'ဆိုရင် တက်တက်စင် လွဲတာပဲ။ ကြံကြီး စည် ရာ။ ဒီအတိုင်း ဆက်ရေးရင် ရေးလေ လွဲလေ ဖြစ်နေမှာပဲ။ သူ့အဆို အရဆိုရင် ရူပဈာန် လေးပါးနဲ့ အရူပဈာန် လေးပါးဆိုတဲ့ သမာပတ် ရှစ်ပါးကိုရတဲ့ ရဟန္တာတွေအားလုံး အတ္တကိလမထအကျင့်ကို ကျင့် လို့ ရတယ်လို့ ဆိုရတော့မှာပေါ့။ ဆောင်းပါးရှင်ဟာ အဲဒီ 'ရုပဈာန် အရူပဈာန် အကျင့်'ဆိုတာကို သိအောင် အရင် လုပ်သင့်တယ်။
ငါးပါး ရှစ်ပါးသီလကို သီလလို့ သာမန်ခေါ်ပြီး ရဟန်းတို့ရဲ့ ပါတိ မောက္ခသံဝရသီလကို အဓိသီလလို့ ခေါ်ပါတယ်။ ဝဋ်အခြေပြု လောကီ သမာပတ်ရှစ်ပါးကို စိတ္တလို့ သာမန်ခေါ်ပြီး ဝဋ်ကထွက်မြောက်တဲ့ လော ကုတ္တရာ သမာပတ်ရှစ်ပါးကိုတော့ အဓိစိတ္တလို့ ခေါ်ပါတယ်။ ကမ္မဿ ကတာပညာကို ပညာလို့ သာမန်ခေါ်ပြီး ဝိပဿနာပညာ မဂ်ပညာ ဖိုလ် ပညာတွေကို အဓိပညာလို့ ခေါ်ပါတယ်။ ဒါက ဗုဒ္ဓဝါဒရဲ့ ကျင့်စရာ အနှစ် သာရ သုံးပါးပါ။ အဲဒီအထဲက စိတ္တကို အကြောင်းပြုပြီး အဓိစိတ္တကို ရရှိနိုင် ပါတယ် (ဝဋ္ဋ္ဋပါဒိကာ အဋ္ဌသမာပတ္တိယော ဥပါဒါယ ဝိပဿနာပါဒိကာ အဋ္ဌသမာပတ္တိ-ယော အဓိစိတ္တံ နာမ (အဘိ-ဋ္ဌ ၂၊ ၃၉၅)။
ဒုက္ကရစရိယာ
'ဒုက္ကရစရိယာဆိုတာ ဘယ်လို ကျင့်ခဲ့သုံး နေထိုင်ခြင်း ဖြစ်တယ်လို့ အသေးစိတ်ရှင်းပြချက် မတွေ့ရပါဘူး'လို့ ဆိုရင် ဆောင်းပါး ရေးသူဟာ မဟာသီဟနာဒသုတ် (မ ၁၊ ၉၇)၊ မဟာသစ္စကသုတ် (မ ၁၊ ၃ဝ၁) စတာ တွေကို မဖတ်ဖူးလို့ ဖြစ်ပါလိမ့်မယ်။ အဲဒီသုတ် တွေမှာ ဒုက္ကရစိယအကျင့် အကြောင်းကို ဗုဒ္ဓကိုယ်တိုင် အသေးစိတ် ဟောကြားထားပြီး ဖြစ်ပါတယ်။ ဗုဒ္ဓဝါဒ အကြောင်းကို ရေးတော့မယ်ဆိုရင် ဗုဒ္ဓဝါဒဆိုင်ရာ ဗဟု သုတ အတော်အတန်တော့ ရှိသင့်တာပေါ့။ ပါဠိတော်ကြီးမှာ တိုက်ရိုက် ပါနေတာပဲ။ ဆောင်းပါးရှင်ဟာ ထေရဝါဒဗုဒ္ဓဓမ္မ အစစ်အမှန်ကို တကယ် စေတနာနဲ့ တင်ပြချင်တယ် ဆိုရင် ယောနိသော မနသိကာရ (အသင့်တွေး နှလုံးသား)နဲ့ မူရင်း ဗုဒ္ဓကျမ်းဂန်တွေနဲ့ အဲဒီကျမ်းဂန်တွေကို တတ်သိတဲ့ ပုဂ္ဂိုလ်တွေ ဖွင့်ဆိုထားတာတွေကို အများကြီး ရှာဖွေ လေ့လာ ဖတ်ရှုရ ဦးမယ်လို့ သုံးသပ်မိပါတယ်။
ခေတ်သစ်သုသီမ
'လူသေသော် လူမဖြစ်လျှင်လ
ဘာဖြစ်မှာတုန်း၊
ရွှေပျက်လျှင်
မြေထွက်နွယ် အဝင်ပေမို့
တကယ်ပင် ရွှေပြန်ဖြစ်တယ်ကွယ်
လောကစံထုံး' (လူသေလူဖြစ်၊ စာ-၃ဝ၁) ...
လို့ ဦးဥက္ကဋ္ဌက ဆိုလိုက်တော့ အဆွယ်ကောင်းတာနဲ့ ဗုဒ္ဓဝါဒရေးရာ ဗဟု သုတ အခံမရှိတဲ့ စာဖတ်သူ အချို့အနေနဲ့ နားယောင်ပြီး မျက်စိလည် စရာပါပဲ။
ဒါပေမယ့် အတော်အတန် ဉာဏ်ရှိခဲ့ရင် ဒီလိုလေး ဆက်ပြီး စဉ်း စားကြည့်လိုက်နိုင်မှာပါ ...
'လူသေသော် လူမဖြစ်လျှင်လ
ပါယ်နတ်စစ် နိဗ္ဗူတာ
မှန်စွာပ ဖြစ်ထုံး၊
ရွှေနှင့်လူ
လုံးလုံးပင် ခန်မတူလို့
စံတမူ မှားရာက မှောက်ပေပေါ့
နာမ်တဆူ ကြားမှာ ပျောက်တယ်ကွယ်
သားမျောက် ကတုံး'။
(ဟုတ်တယ်လေ၊ ရွှေမှာက အဆင်းရုပ်ဆိုတဲ့ ရူပက္ခန္ဓာပဲရှိပြီး လူက ရုပ်ရောနာမ်ပါ ခန္ဓာငါးပါး ရှိတယ်။ ဒါကြောင့် ဥပမာနဲ့ ဥပမေယျ မဟပ်စပ်တဲ့အတွက် အမှားကြီးမှားတယ်လို့ ဆိုလိုက်တာပါ)။
အဲဒီလို တစ်ချိန်က လူသေလူဖြစ်ဝါဒီတို့လည်း သူတို့ ရေးပြော တာတွေမှပဲ ဗုဒ္ဓဝါဒအစစ်အမှန် ဟုတ်သလိုလို၊ လယ်တီစတဲ့ ဆရာတော် ကြီးတွေရဲ့ အယူအဆတွေက ဗုဒ္ဓဝါဒ အတုအယောင် ဖြစ်နေသလိုလို လုပ် ကြံ ရေးပြောခဲ့ကြဖူးပါတယ်။ ဘာရည်ရွယ်ချက်နဲ့ ရေးခဲ့သလဲ ဆိုတာတော့ ကာယကံရှင်တွေပဲ သိကြပါလိမ့်မယ်။
ဗုဒ္ဓလက်ထက်က ရာဇဂြိုဟ်မြို့သား သုသီမလို့ ခေါ်တဲ့ ပရိဗိုဇ် ဟာ ဗုဒ္ဓဝါဒကို သူ့ရဲ့ တိတ္တိဝါဒထဲမှာ ထည့်ပြီးဟောရင် သူ့တရားနဲ့ သူ့ဝါဒကို လူကြိုက် များမှာပဲဆိုပြီး အမည်ခံ ဗုဒ္ဓဝါဒီအဖြစ်နဲ့ ဗုဒ္ဓသာသနာထဲကို ဝင် ရောက်ပြီး ရဟန်းဝတ်ခဲ့ဖူးတယ်။ ဒါပေမယ့် ဝါဒခိုးဖို့ ကြံစည်သူ သုသီမ ကတော့ ကံကောင်းခဲ့ပါတယ်။ ဘာကြောင့်ဆို ဗုဒ္ဓကိုယ်တိုင်နဲ့ တွေ့လို့ ရဟန္တာ ဖြစ်သွားခဲ့တာကိုး (သံ ၁၊ ၃၄ဝ)။
ဒီလို ဗုဒ္ဓဝါဒကို ခိုးယူတဲ့ ဝါဒသူခိုးသူတွေဟာ ခေတ်အဆက် ဆက်မှာ ရှိတာပဲ။ ရှိလည်း ရှိနေဦးမှာပဲ။ ဗုဒ္ဓဝါဒဖက်က ကြည့်ရင် ဒိလို လူတွေဟာ ဗုဒ္ဓဝါဒကို ရှုပ်ထွေး မှေးမှိန်အောင် ကွယ်ပျောက်အောင် လုပ် နိုင်တာမို့ အင်မတန် ကြောက်စရာ ကောင်းပါတယ်။
ဝါဒသူခိုး ခေတ်သစ်သုသီမတွေဟာ မိမိရေးတာ ပြောတာကို လူ ကြိုက်အောင်လို့ အလံရှုး ရှဲဒိုးနည်းတွေကိုလည်း အသုံးပြုတတ်ပါတယ်။ ကိုယ့်သာသနာကို ချစ်မြတ်နိုးကြတဲ့ ဗုဒ္ဓဝါဒီတို့ ကြပ်ကြပ် သတိထားကြ ပါကုန်။
အရှင်ကေလာသ
ဓမ္မာစရိယ၊ B.A (Philo) M.A. (Buddhism) ဖြေဆိုသည် ။
xxxxxxxxxxxxxxxxxxxxxxxxxxxxxxxxxxxxxxxxxxxxx
ပစ္စုပ္ပန်ကမ္မသမားတို့၏ မိစ္ဆာအကြံ ကိုသိလိုပါ က http://yatana.freeblog.co.nz/category/freeblogtips/ တွင် ဖက်ရူဆင်ခြင် နိူင်ပါကြောင်း။
